Pas një karriere me ekipet në Shqipëri, Ilir Daja është zgjedhur “Trajneri i Vitit” në Kosovë, pas titullit kampion të fituar sezonin e shkuar dhe suksesit të dytë radhazi duke u futur në grupet e Ligës së Konferencës me Ballkanin.
“Ndjehem i nderuar që ndodhem përpara shumë personaliteteve të sportit dhe jo vetëm. Do ta ndaj këtë çmim me lojtarët që janë aktorët kryesorë, presidentin Kabashi, me stafin tim, por do ta ndaj edhe me të gjithë trajnerët e Kosovës, sepse unë jam njëri midis jush dhe të gjithë po kontribuojmë për zhvillimin e futbollit të Kosovës”, tha në fjalën e tij përshëndetëse Ilir Daja.
Ballkani vazhdon të jetë në krye të renditjes në Superligën e Kosovës, teksa synon dhe titullin e tretë radhazi.