Flakët kanë përfshirë ditën e sotme pavionin e kirurgjisë në spitalin e Shkodrës, teksa dyshohet se shkak është bërë lënia ndezur e një ngrohëseje në dhomën e mjekut, e cila mund të ketë shkaktuar shkëndijë elektrike.
Për ngjarjen kanë folur edhe drejtori i spitalit të Shkodrës Senad Halluni dhe mjeku kirurg Gëzim Galiqi, të cilët kanë deklaruar se pacientët janë evakuuar në kohë dhe se situata është nën kontroll.
“Nuk ka të lënduar, pacientët janë evakuuar në kohë.
Po punohet për zbardhjen e shkaqeve të plota”, tha ai mes të tjerash.