Eksperti i kriminalistikës, Ervin Karamuço thotë se 4-5 deputetë janë subjekt i kontrolleve të pasurive që ka ndërmarrë SPAK. Ai po ashtu tregoi se ka informacion për një rast tjetër të një ish-politikani që vuan nga depresioni se humbi para të madhe nga kriza e bankave të Qipros.
”Ka katër histori jetësore që të bëjnë shumë përshtypje. Ka qenë një njeri i besuar i një politikani i cili ishte biznesmen. Politikani jepte para nga këto tenderat e famshëm, ai i bënte të ligjshme duke i injektuar në biznes.
Një ditë biznesmeni i mbyll të gjitha bizneset këtu dhe ikën në Amerikë duke marrë me vete edhe lekët e politikanit me vete. Sot ai ka një bust të politikanit në shtëpi dhe kur e pyesin çfarë e ke, u thotë “ky më ka bërë njeri mua. Unë e fillova nga zero”.
Rasti i dytë, ishte një ish politikan që ka pasur shoferin e tij dhe me atë i ndante të gjitha. Ai ishte i besueshmi. Këta gjithmonë luajnë me këto. Shoferi ikën në Belgjikë, blen lokal atje dhe i lë të gjitha këto të tjerat. Kur politikani largohet për vete, shkon në Belgjikë dhe i thotë “ore, ato lekët e mia”. Shoferi i thotë “s’ka lekë për ty”. Politikani mbeti me duar në xhepa. Di një rast tjetër të një ish politikani që vuan nga depresioni se humbi para të madhe nga kriza e bankave të Qipros”.