Armando Broja do jetë mungesa e madhe për Fulham, që luan sot kundër Aston Villas në Londër për raundin e 25-të në Premier League. Sulmuesi i Kombëtares po kalon një gjendje gripale dhe është lënë në shtëpi nga trajneri Marcos Silva.
Edhe vetë Broja ka konfirmuar lajmin në kanalet e komunikimit. “Për fat të keq gjendja gripale më bëri që mos jem sot me ekipin. Uroj fat për çunat, me fitore”, shkruan Broja.
Kujtojmë se 22-vjeçari në janar la Chelsean dhe kaloi në huazim te Fulham, ku ka luajtur dy ndeshje si zëvendësues. Nga ana tjetër, edhe Sylvinho ka në plan të takojë “kokë më kokë” lojtarin kuqezi për të folur në lidhje me Euro 2024 dhe një ftesë të mundshme.