Kreu i grupit parlamentar të Partisë Demokratike, Gazment Bardhi ka zhvilluar sot një takim me demokratët në Devoll.
Në një postim në rrjetet sociale, Bardhi shprehet se qytetarët janë ata që vuajnë pasojat e keqqeverissjes së kryeministrit Edi Rama, ndërsa ka shtuar se bujqësia si sektori kryesorë i jetesës së banorëve të kësaj bashkie, nuk ka marrë asnjë mbështetje.
Ai shton se fondet e programeve të mbështetjes nga Bashkimi Europian, që duhet të shkonin për fermerët e Devollit dhe gjithë Shqipërisë, kanë shkuar në xhepat e pushtetarëve dhe personave të lidhur me to.
Bardhi fton çdo fermer dhe çdo qytetar që dëshiron të jetojë e punojë në Shqipëri ti bashkohen të Marten protestës përpara Kryeministrisë.
Postimi i plotë:
Me Demokratët e Devollit
Qytetarët janë ata që me shumë se kushdo vuajnë pasojat e keqqeverissjes së Edi Ramës. Bujqësia është sektori kryesorë i jetesës së banorëve të Bashkisë Devoll. Ka zero mbështetje! Zero kujdesje për mundin dhe sakrificën e fermerëve.
Fondet e programeve të mbështetjes nga Bashkimi Europian, që duhet të shkonin për fermerët e Devollit dhe gjithë Shqipërisë, kanë shkuar në xhepat e pushtetarëve dhe personave të lidhur me to. Nga Devolli i bëra thirrje organeve të drejtësisë që të veprojë pa vonesa dhe të mbajë përgjegjës këdo që ka abuzuar me fondet e bujqësisë.
20 Shkurti është dita e reagimit të çdo fermeri dhe çdo qytetari që dëshiron të jetojë e punojë në Shqipëri. Të bëhemi bashkë të Marten, ora 17:30, përpara Kryeministrisë.