Tirana ka mbledhur ditën e sotme liderët e Ballkanit në një nga samitet më të rëndësishme për zhvillimin ekonomik, politik dhe shoqëror mes vendeve fqinje. Por, ky samit është ndjekur padyshim edhe me shumë polemika dhe debate nga analistë dhe opinionistë të gjeopolitikës në Ballkan.
Edhe pse për Lëvizjen Vetëvendosja, lideri i Serbisë dhe homologu i tij boshnjak janë politikanë dhe njerëz ‘non-grata’ në kryeqytetin shqiptarë, dy presidentët janë fotografuar duke konsumuar një kafe sëbashku në një nga lokalet më luksoze në qendër të Tiranës.
Ka qenë pikërisht presidenti serb Vuçiç ai që e ka postuar foton me homologun e tij boshnjak, në rrjetet sociale duke qenë se të dy ndajnë të njëjtin qëndrim politik kundrejt njohjes së pavarësisë së Kosovës.
Lideri i republika Serpska Dodik prej vitesh është në listën e zezë të SHBA për rrezikun që ai paraqet ndaj procesit të paqes në Bosnje Hercegovinë, ndërkohë që mediat serbe e kanë trumpetuar këtë takim duke e cilësuar si një takim vëllezërish, nga ato që punojnë për të njëjtin qëllim.
