Sara Gjordeni u përjashtua nga Vëllai i Madh dhe loja e saj në ”Big Brother Albania Vip 3”, u mbyll në ditën e 52. Vendimi erdhi pas përplasjes fizike me Françeskën në derën e tualetit, por që për këtë të fundit nuk u mor asnjë masë. Pas daljes nga Big-u, menjëherë Sara u bë aktive në Instagram, ku sqaroi disa gjëra.
Sqarimin e parë e nis për Françeskën, që u bë shkak i përjashtimit, për të cilën thotë se është ofenduar shumë herë nga ajo, dhe the priste që Vëllai i Madh të dënonte edhe shkakun. ”Veprimi me Françeskën ishte një akumulim i mëse 30 rasteve nxitjeje dhe ofendimesh të vazhdueshme siç edhe mesa shoh, është vënë re edhe nga ju. Për mua qëndrimi i saj në shtëpi është i padrejtë dhe reflekton gjykimin e PASOJËS, jo të SHKAKUT, dhe peshku qelbet nga koka”,-shkruan Sara ndër të tjera.
Për Bardhin shkruan se e pret jashtë për ta thelluar lidhjen, dhe do të luftojë që ai të shpallet fitues. ”Babai i fëmijëve të mi dhe ASKUSH i tretë nuk do lejohet të bëhet KURRË shkak i një ndarjeje sepse çfarë ndiejmë unë dhe ai atë e dimë vetëm NE”,-shkruan më tej Sara.
Këto ditë u bë virale edhe në media qëndrimi i saj krah Meritonit dhe Bardhit, ku edhe për këtë dha një sqarim, pse ndodhi ky afrim kaq i madh. Sipas saj, Meritoni ëshhtë ndjerë i tradhtuar në situatëtn e rripit që e përballi me Riken dhe nuk ka qenë mirë fizikisht së fundmi. “Mendje perverse, thjesht t’ju vijë turp”, shkroi në fund Gjordeni.
”Unë, Bardhi, Meritoni nëse nuk e keni ndjekur 24/7 ishim i vetmi grup real ditët e fundit në shtëpi. Meritoni ditët e fundit ka qenë mëse i sëmurë, me infuzione dhe pa imunitet, përpara prime pati edhe një episod ku u ul në tokë në dush dhe mendoi se i ra të fikët. Gjithashtu, u ndje i tradhëtuar nga shtëpia me situatën e rripit, ku as Ilnisa nuk i doli në krah, e të vetmit që i ndejtën pranë isha unë dhe Bardhi. Kjo shpjegon afërsinë tonë. Mendjeve përverse thjesht t’u vijë turp”.
Për të mbyllur diskutimet, Sara zbuloi pengun e vetëm që i mbeti nga kjo eksperiencë: publikimi i linjës së jetës. Gjordeni deklaroi se do kuptohej shumë nga karakteri i saj pasi njerëzit të dëgjonin për jetën e influencueses. “Me dashuri, mafia e bukur a.k.a Griselda Blanco”, ka vendosur Sara ta quajë veten.
