Chelsea ka një shans për të shpëtuar sezonin në FA Cup.
Skuadra e Pochettino-s ka zhvilluar një sezon zhgënjyes në Premier dhe do të mbetet pa kompeticione europiane edhe sezonin e ardhshëm.
Blutë, në fakt, mbajnë vendin e 11-të në renditjen e kampionatit me 39 pikë, 14 larg zonës europiane.
Kështu, shpresa e vetme për të shpëtuar sezonin për londinezët është Kupa e Anglisë, ku përballen në çerekfinale me Leicester-in.
Pjesa e parë e sfidës që po luhet në Stamford Bridge është mbyllur në avantazh 2-0 në favor të vendasve falë golave të Cucurella-s (13′) dhe Palmer (45+1′).
Ndërkohë, me fillimin e pjesës së dytë “Dhelprat” shënuan dy gola në minutat 51′ dhe 62′ për të vendosur baraspeshën totale. Fillimisht shkurtuan shifrat falë autogolit të mbrojtësit të “bluve”, Axel Disasi , ndërsa për golin e dytë mendoi sulmuesi, Stephy Mavididi.