Një rast i shantazhimit përmes rrjeteve sociale raportohet të ketë ndodhur në qytetin e Lezhës.
Një 17-vjeçar ka arritur të marrë llogarinë e Snapchat-it, të një 16-vjeçarje dhe e ka kërcënuar se do ti publikonte fotot e saj intime (personale), nëse nuk kryente mardhënie seksuale me të.
Ndërkohë, mësohet se familjarë të vajzës kanë denoncuar rastin në polici dhe adoleshenti është shoqëruar për veprime të mëtejshme proceduriale.
“16 vjeçarja shantazhohej nëpërmjet një llogarie të vjedhur, në rrjetin social Snapchat, se do t’i publikoheshin foto personale, nëse nuk kryente marrëdhënie seksuale me shtetasin që e shantazhonte. Policia arrestoi 17 vjeçarin, banues në Lezhë. Veprimet procedurale me të për këtë rast, vijojnë të kryhen në prezencë të familjarëve, mbrojtësit ligjor dhe psikologut”,- informoi sot policia e Lezhës.
Sakaq vlen të theksohet se shantazhimi përmes rrjeteve sociale, është një fenomen që po përhapet me hapa galopantë kohët e fundit.