Arsenali ka fituar edhe ndeshjen e dytë përballë Valencias për të siguruar një vend në finalen e Ligës së Europës dhe për të mbajtur gjallë shpresat për të luajtur në Ligën e Kampioneve në sezonin e ardhshëm. Skuadra e Unai Emeri, ashtu si në ndeshjen parë në shtëpi, e ka filluar edhe sot sfidën me një gol të pësuar, por më pas diktoi qetësisht ritmin e saj.

Aubamejang barazoi shifrat e më pas Lakazet shënoi golin e dytë duke bërë që kualifikimi për spanjollët të bëhej thuajse i pamundur, pavarësisht golit të dytë të Gameiros. Në minutat në vijim vendasit e Valencias kërkuan më shumë portën por ishte përsëri Arsenali ai që shënoi edhe dy herë të tjera me Aubamejang për të vulosur një fitore bindëse 4-2 që siguron finalen e madhe për londinezët.