”Fists of Fire 2” në Shkodër, sportistë të njohur dhe legjenda të boksit botëror në ring

Shkodra, u bë mikpritëse e një prej turneve me të mëdha të boksit të zhvilluar ndonjëherë në vendin tonë. “Fists of Fire 2” ngjiti në ring sportistë të njohur, por solli edhe legjenda të boksit botëror, si Roy Jones Jr, 5 herë kampionin e botës, këtë here në rolin e trajnerit. Tete ndeshjet e zhvilluara dhuruan emocione për të pranishmit e shumtë që kishin mbushur pallatin e sportit “Qazim Dervishi”. Për ish-kampionin e botes, në 5 pesha të ndryshme, Roy Jones Jr, vizita e tij e parë në Shqipëri dhe në Shkodër, ishte përtej pritshmerive. Në fund të këtij turneu, kryebashkiaku Benet Beci, bëri të ditur se në vitin 2025 Shkodra do të jetë Qyteti Europian i Sportit.