Ish-presidenti Alfred Moisiu, teksa flet për situatën politike në vend dhe zhvillimet e fundit, u ndal te qeverisja e kryeministrit Edi Rama. Ai tha se Rama ka gabime, por punon, ndërsa sipas tij opozita “është qorre”. Për punën e SPAK-ut, ai tha se po bën punë shumë të mirë, por se do duhej të godasë më fort.
“Rama ka gabime, por edhe punon. Unë e quaj ‘me një sy’, por këta të anës tjetër janë qorra fare. Tani SPAK po punon. Por mendoj se më fort duhet të punojë, duhet të kapë te kokat.
Nuk e kuptoj si Berisha është në arrest dhe mban fjalim natë për natë. Është sfidë kjo për drejtësinë dhe drejtësia duhet ta rregullojë këtë, duhet rregulluar”, tha ai ndër të tjera i ftuar këtë të hënë në ”Breaking”.