Gjyqtari i njohur anglez, Anthony Taylor do të gjykojë edhe finalen e fazës “Final 4” të kampionatit shqiptar. Federata Shqiptare e Futbollit, bën me dije se është arritur akordi, që finalja në kampionatin “Abissnet Superiore” t’i besohet një prej “bilbilëve” më të vlerësuar në Europë.
FSHF shton se ndihmësit e Anthony Taylor në finalen e madhe të 26 maj do të jenë të huaj dhe në ditët në vijim do të bëhen publike emrat e përzgjedhur.
Arbitri 45-vjeçar i cili mban prej kohësh stemën e FIFA-s, ka një karrierë të pasur në botën e futbollit pasi drejton takime të nivelit të lartë në Premier League, UEFA Champions League, UEFA Europa League etj.