Muzika e lartë e një pub-i ka ndërprerë meshën e Pashkës në Kishën Ortodokse në Shkodër.
Gjatë të gjithë procesionit, muzika nuk është ndërpresë ndërsa drejtuesi i kishës At Nikolla Petani pavarësisht se ka njoftuar autoritetet, sërish u detyrua që të ndërpresë meshën.
“Ne do vazhdojmë të lutemi dhe Zoti i udhëzoftë njerëzit më mirë në jetën e tyre të përditshme. Sot është dita e ngjalljes së Zotit tonë Jezu Krisht dhe jemi të gjithë së bashku, por ne do vazhdojmë të lutemi. Në qoftë se kambanat tona nuk do dëgjohen siç është e drejta të dëgjohen, unë besoj se nuk ka vlerë që të vazhdojmë më tepër, por ngjalljen e Zotit ne edhe me muzikë, edhe pa muzikë do ta bëjmë të gjithë së bashku”, tha At Nikolla Petani.