Ekipi i Zvicrës do të shkojë me supriza kuqezi. Xherdan Shaqiri, Granit Xhaka dhe Ardon Jashari do të jenë tre shqiptarët që do të veshin fanellën e Zvicrën në Euro 2024 në Gjermani.
Trajneri Murat Yakin ka dorëzuar listën përfundimtare këtë të premte dhe i fundit që ka mbetur jashtë ishte shqiptari tjetër Andi Zeqiri. Paçka paraqitjeve të mira në këto ditë stërvitjeje, trajneri Yakin, ka vendosur që të vazhdojë në Gjermani me të tjerë sulmues.
“Andi na e bëri të vështirë vendimin. Së fundmi, ai ka performuar shumë mirë. Ditët stërvitore treguan se konkurrenca është shumë e fortë edhe në fazën sulmuese, për këtë arsye iu dha përparësi lojtarëve të tjerë”, tha trajneri. Zvicra do ta luajë ndeshjen e parë më 15 qershor ndaj Hungarisë. Ata janë në grupin A së bashku me Gjermaninë organizatore dhe Skocinë.