Andres Iniesta e pranon se Reali i Madridit i ka merituar 3 Champions-at radhazi që ka fituar, pavarësisht se skuadra e Barcelonës ka pasur një organikë shumë të pasur. Në një intervistë për gazetën “Sport”, legjenda katalanase thotë se këtë sezon duhet të synojnë patjetër triumfin në Europë.
“Për organikën që kemi pasur, kjo skuadër duhet të fitonte më shumë në Europë, por nuk i kemi merituar. Nuk e di pse, por ka pasur një distancë mes Barçës dhe Realit në Champions. Shpresoj që ky sezon të sjellë trofeun e shumëpritur që na ka munguar shumë në vitet e fundit. Ndoshta nuk na pëlqejnë gjërat, por kur një skuadër fiton e ka merituar gjithmonë”, tha Iniesta.
I pyetur nëse mund të jetë Guardiola i dytë, ai thotë se nuk e ka menduar. “Nuk është çështje nëse e shoh veten si Guardiola i dytë apo jo. Është ideja që nuk e kam menduar. Nuk e di çfarë mund të ndodhë për një apo dy vite. Për momentin jam i kënaqur si lojtar dhe po argëtohem”, ka thënë Iniesta. Ai ka vlerësuar maksimalisht Mesin dhe thotë se e ka merituar shiritin e kapitenit të Barcelonës