Ish presidenti amerikan Donald Trump është qëlluar gjatë një mitingu në Pensilvani.
CNN ka publikuar pamjet e sulmit ndaj Trump.
Ish presidenti shihet i gjakosur pas veshi , ndërsa merret nga rojet e sigurisë.
Trump po tregonte një grafik të numrave të kalimit kufitar kur u dëgjuan të shtënat.
Në veshin e majtë dhe në fytyrën e ish-presidentit dukeshin shenja gjaku pas atyre që u dukën se ishin të shtëna e që vinin nga një drejtim i panjohur. Nuk ishte e qartë se çfarë ndodhi, por Trump fillimisht u pa të ulej në tokë, ndërkohë që agjentët e shërbimit të sekret nxituan për ta ngritur dhe larguar menjëherë nga podiumi.
Kur po largohej, ai ngriti një grusht drejt turmës, e cila thërriste: “SHBA, SHBA”.
Incidenti vjen pas një dite të ngjeshur fushatash për zotin Trump dhe ish-Presidentin Joe Biden në garën presidenciale të 2024-ës.
Zëdhënësi i Donald Trump, Steven Cheung tha se ish-presidenti “është mirë”.
“Presidenti Trump falënderon forcat e rendit dhe reaguesit e parë për veprimin e tyre të shpejtë gjatë këtij akti të urryer.
Ai është mirë dhe po kontrollohet në një institucion mjekësor lokal. Më shumë detaje do të pasojnë”, tha Cheung në një deklaratë.