Partizani prezanton trajnerin serb, nis nga puna menjëherë

Partizani ka zgjedhur trajnerin e ri. Drejtimi i kryeqytetasve, i është besuar teknikut serb, Aleksandar Veselinovic. Trajneri 54-vjeçar u prezantua këtë të hënë në ambientet e klubit dhe menjëherë nis nga puna, në stolin e nënkampionëve të Shqipërisë. Partizani ishte pa trajner prej disa javësh, pas largimit të Orges Shehit, para fillimit të kampionatit. Në dy javët e para, skuadra u drejtua nga drejtori sportiv, Arbër Abilaliaj dhe regjistroi një humbje ndaj Vllaznisë dhe një fitore ndaj Skënderbeut.