Ish-Presidenti i Republikës së Shqipërisë dhe ish-Presidenti i nderit të Tiranës së futbollit, në një intervistë për Report TV, është ndalur edhe te një nga pasionet e tij, futbolli. Një ndjekës i rregullt i futbollit në vendin tonë, ai ka folur më shumë për gjendjen e dy klubeve të kryeqytetit, të cilat po përballen me situata krejtësisht të kundërta në këto momente.
“Partizani sivjet e ka marrë titullin në mënyrën më të merituar. Do doja qe të kishte më shumë vëmendje për Tiranën. Nuk është thjesht Tirana si ekip futbolli, por një ndjenjë, një histori. Ka nxjerrë legjenda ndër vite, ajo është histori e futbollit.
Duhet që të ketë një muze për ekipet legjenda por edhe këtu jemi të fundit çuditërisht dhe fatkeqësisht, ashtu si në shumë aspekte të tjera”, -tha ish Presidenti i Republikës, Bamir Topi.