Portieri 19-vjeçar i Union Berlin, Berkin Arslanogullari vuan nga kanceri në kockë dhe mjekët u detyruan t’i prisnin këmbën e majtë për ta mbajtur në jetë. Me të mësuar për gjendjen e djaloshit, shumë futbollistë kanë bërë veprime konkrete dhe i kanë ardhur në ndihmë Berkin Arslanogullari dhe familjes së tij me shuma konkrete të ardhurash.
Edhe pse kaloi pak muaj në Gjermani me Union Berlin, ish-mbrojtësi i Juventusit dhe Italisë, Leonardo Bonucci, nuk ka nguruar dhe ka dhuruar 10 mijë euro për ish-portierin.
Veç tij, edhe Julian Ryerson i Borussia Dortmund, Haris Tabakovic i Hoffenheim apo dhjetra futbollistë të tjerë i janë bashkuar nismës për t’i ardhur në ndihmë të riut.
Të gjithë lojtarët kanë vendosur të marrin pjesë në mbledhjen e fondeve të Union Berlin për të ndihmuar Berkin Arslanogullari, operacioni i të cilit ishte i nevojshëm për shkak të avancimit të kanceri i zbuluar disa muaj më parë.