Republikani Donald Trump, ka përjashtuar mundësinë e kandidimit përsëri në zgjedhjet presidenciale të 2028-ës në Shtetet e Bashkuara nëse humbet në zgjedhjet e ardhshme të nëntorit.
“Jo, nuk e bëj. Unë nuk e shoh fare këtë mundësi”, është shprehur ish-presidenti 78-vjeçar në një intervistë për “Full Measure”.
Megjithatë, Trump tha se shpresonte të ishte i suksesshëm në zgjedhjet e 5 nëntorit.
Trump është në garë të fortë me kandidaten demokrate, nënpresidenten Kamala Harris, duke përfshirë shtetet kryesore të fushëbetejës që shpesh vendosin rezultatin në SHBA.
Partia Demokratike ka parë një ringjallje në mbështetje pas tërheqjes së Presidentit Joe Biden si kandidat i saj në korrik, pas një debati katastrofik kundër Trump.
Trump humbi ndaj Bidenit në vitin 2020, por refuzoi të pranonte se ai u mposht, duke ngacmuar mbështetësit duke thënë se zgjedhjet ishin “të vjedhura” dhe duke nxitur teoritë e konspiracionit.
Madje, më 6 janar 2021, mbështetësit e zjarrtë të Trump sulmuan Kapitolin e SHBA në një përpjekje, të nxitur nga pretendimet e tij, për të ndaluar certifikimin e rezultatit të zgjedhjeve.