Pas kaosit të shkaktuar nga opozita ditën e sotme në seancën plenare në Kuvend, ka ardhur një reagim nga deputeti i PS, Petro Koçi. Përmes një postimi në rrjetet sociale, ai shprehet se dhuna është e papranueshme. Ndër të tjera zoti Koçi, thekson se PD ka mbetur parti gangsterësh dhe sipas tij, Sali Berisha po përpiqet të bëjë biznes me burgun e deputetit te vet.
Ja postimi i plotë i deputetit Petro Koçi:
Sot sërish PD dëshmoi se nga dikur regjim gangsterësh ka mbetur parti gangsterësh. Reagimi i tyre vërteton se rasti Babale nuk është produkt vetëm i aventurizmit dhe mendjelehtësisë por një intrige ku janë përfshirë nivele me përgjegjësi të larta politike në PD. Kjo bashkëfajësi shkakton veprime të papërgjegjshme. Ndërkohë veprimet e stilit guerril nuk kanë për qëllim mbrojtjen e Salianjit por presionin ndaj drejtësisë që të tërhiqet nga gjykimi objektiv ndaj Sali Berishës, i cili po përpiqet të bëjë biznes me burgun e deputetit të vet.