UEFA ka publikuar emrat e arbitrave që do të vendosin drejtësi në sfidën e Nations League midis Çekisë dhe Shqipërisë, që do të luhet në “Epet Arena” të Pragës në 11 tetor në orën 20:45.
Një skuadër gjyqtarësh francez do të arbitrojë këtë takim të kuqezinjve. Benoit Bastien do të jetë abitri kryesor i ndeshjes, ndërsa Hicham Zakrani dhe Aurélien Berthomieu do të jenë asistentët e tij. Gjyqtar i katërt do të jetë Thomas Leonard.
Shqipëria sfidon Çekinë në një ndeshje vendimtare në këtë edicion të Nations League. Bilanci mes dy skuadrave në përballjet direkt është në ekuilibër të plotë. Në 3 ndeshje të luajtur, secila skuadër ka fituar nga një takim, ndërsa një sfidë është mbyllur në barazim.