Milani u rikthye te fitorja në kampionat, pasi mposhti minimalisht Udinese-n për javën e tetë në Serie A. Kuqezinjtë iu falën një goli të shënuar nga Chukwueze në minutën e 13-të, për të marrë një sukses shumë të rëndësishëm.
Vlen të përmendet se skuadra e Fonseca-s luajti me 10 lojtarë nga minuta e 29-të, pasi Reijnders u ndëshkua me karton të kuq. Miqtë barazuan shifrat në fundin e pjesës së parë me Ehizibue, por goli i anulua për pozicion jashtë loje.
Në fraksionin e dytë Milani vuajti shumë për të ruajtur avantazhin dhe fitoren. VAR-i u bë protagonist edhe në fund të takimit, kur arbitri anuloi një tjetër gol të Udinese-s, përsëri për pozicion jashtë loje. Kjo fitore e ngjit Milanin në vendin e tretë me 14 pikë, po aq sa Interi i vendit të dytë dhe dy pikë më pak se Napoli kryesues.