Policia greke ka zbuluar një sasi droge dhe një arsenal të madh armësh në Rethymno.
Operacioni është zhvilluar në një vilë 4-katëshe, ku u zbulua një laborator i kultivimit të marijuanës. Brenda tij u gjetën 557 bimë marijuanë dhe 34 kg 476 gram marijuanë.
Kontrollet e policisë kanë zbuluar edhe 10 armë zjarri automatike si dhe 13 mijë e 65 euro.
Në prangat e policisë ra një grek 34 vjeç dhe një shqiptar 32 vjeç. Ndërkohë është identifikuar dhe shpallur në kërkim një tjetër shtetas grek 43 vjeç.