Skënderbeu ka prezantuar afrimin e parë. Korçarët njoftuan transferimin e mesfushorit portugez, Paulo Estrela.
Futbollisti 25-vjeçar vjen nga Portugalia, aty ku ka dalë nga të rinjtë e Portos, ndërsa në dy sezonet e fundit ka qenë pjesë e Portimonense. Estrela ka kaluar me sukses vizitat mjekësore dhe ka firmosur për dy vite e gjysmë me klubin bardhekuq.
“Paulo Estrela zyrtarisht bardhekuq! Mesfushori portugez ka arritur marrëveshjen për 2.5 vite me klubin dhe është zyrtarisht lojtar i Skënderbeut. 25-vjeçari me një të kaluar tek FC Porto dhe Portimonense SC në Superligën Portugeze, ka kryer paraditen e sotme testet mjekësore dhe është bashkuar me grupin në seancën stërvitore”, thuhet në njoftimin e Skënderbeut.