Sjellja e fëmijës 1 vjeç nga Gaza në Tiranë dy ditë më parë (15 janar 2025) ka ardhur prej një kërkese të 2 eurodeputetëve të Bashkimit Evropian në drejtim të Shqipërisë, e cila u është përgjigjur pozitivisht.
Familja ka udhëtuar direkt nga Gaza në Tiranë përmes një avioni ambulancë dhe aktualisht po strehohet në Qendrën Kombëtare Pritëse për Azilkërkuesit në Babrru, por brenda pak ditësh synohet të kaloj në një ambient më të përshtatshëm me qira në Tiranë.
Janë marrë masat nga autoritetet që familja të trajtohet me psikolog përgjatë qëndrimit në Tiranë. Fëmija është 1 vjeç dhe ka pasur probleme me infeksion pulmonar të përsëritur.
Për të është kujdesur dhe po kujdeset shefja e pavijonit në pediatri, Mira Kola. I mituri është në gjendje të mirë shëndetësore, dhe pritet të dalë nga spitali në ditët në vijim.
Evakuimi i vogëlushit në vendin tonë u bë i ditur më (16 janar 2025) nga Organizata Botërore e Shëndetësisë në Shqipëri me anë të një njoftimi zyrtar nënvizonte se vogëlushi po trajtohej në QSUT, ndërsa babai dhe motra e tij u akomoduan në qendrën e refugjatëve në Babrru të Tiranës.