Donald Trump është betuar si president i SHBA-së, duke thënë se epoka e artë nis tani. Nga ky moment ai merr pushtetin duke u bërë presidenti i 47 në historinë e vendit. ”Betohem solemnisht se do të ekzekutoj me besnikëri Zyrën e Presidentit të Shteteve të Bashkuara dhe do të ruaj dhe mbroj Kushtetutën e Shteteve të Bashkuara”, tha Trump në betimin e tij.
Në Capitol po zhvillohet një ceremoni brenda ndërtesës, e para pas 4 dekadash, për shkak të temperaturave të ulëta. Trump u prit me ovacione të mëdha kur u fut në hollin e Capitol-it.
Ceremonia e betimit po zhvillohet në Capitol Rotunda për shkak të temperaturave të ftohta jashtë. Ai përdori dy Bilbla gjatë betimit të tij; Biblën e Abraham Lincoln që Lincoln përdori gjatë ceremonisë së tij të betimit në 1861 dhe Biblën personale. Shefi i drejtësisë John Roberts po administron betimin ndaj Trump.