La Liga e futbollit në Spanjë është në raundin e 22-të. Këtë të diel Barcelona siguroi tri pikë dhe përfitoi nga humbja e Real Madrid për ta bërë kreun e renditjes më interesant.
Në “Lluís Companys” vendasit e Barcelonës fituan 1-0 kundër Alaves. Katalanasit nuk e patën të lehtë këtë përballje, që në letër ishte më shumë se e kalueshme. Duhej goli i Lewandowskit në minutën e 61 për t’i dhënë tri pikë shumë të rëndësishme Barçës.
Kësisoj, Barcelona me 45 pikë qëndron në vendin e tretë, katër pikë pas Real Madridit kryesues, që dje u mposht nga Villarreal. Në vendin e dytë Atletico Madrid me 48 pikë.