Zv/kryeministrja dhe njëherësh ministre e Infrastrukturës dhe Energjisë, Belinda Balluku ishte sot në Lushnjë ku inspektoi vijimin e punimeve për rehabilitimin e plotë të segmentit rrugor Lifaj i Ri-Unaza Bujqësore.
Për të kjo është një ndërhyrje e cila iu shërben banorëve dhe fermerëve të zonës. Zv/kryeministrja theksoi edhe se ky është një investim shumë i rëndësishëm i Fondit Shqiptar të Zhvillimit.
”Kjo është një rrugë e cila do të ndihmojë zhvillimin bujqësor të të gjithë zonës, duke e ditur dhe duke e njohur shumë mirë që Krutja është një nga zonat më të rëndësishme bujqësore të qarkut më të rëndësishëm bujqësor të vendit tonë, të qarkut Fier”, tha Balluku.