Një person ka mbetur i plagosur në një aksident të ndodhur mbrëmjen e së enjtes në Elbasan. Ngjarja ka ndodhur në fshatin Kcyk të Njësisë Tregan ku një këmbësor është përplasur nga një automjet.
Paraprakisht bëhet e ditur nga burimet në vendin e ngjarjes se një 55 vjeçar banor i zonës ka mbetur i plagosur.
Për shkak të përplasjes së fortë i plagosuri është në gjendje të rëndë shëndetësore dhe është dërguar drejt spitalit të Traumës për të marrë trajtim të specializuar. Drejtuesi i automjetit është larguar nga vendngjarja, ndërsa po punohet për identifikimin e tij.
Policia ndërkohë ndodhet në vendin e ngjarjes.