Një “derbi” gjerman dhe një klasike anglo-franceze pritet të prodhojnë spektakël e emocione në Champions League këtë të mërkurë, pa anashkaluar edhe Interin e Barcelonën. Katër sfidat e dyta të fazës së 1/16 do të mbyllin këtë javë, për t’u rikthyer shtatë ditë më pas me verdiktet finale.
Në “Parkun e Princave”, PSG-ja vendëse pret Liverpool-in, skuadrën më kompakte të Champions-it, por testi i vërtetë është sonte në mbrëmje. Ky është ballafaqimi i tretë mes tyre, ku në dy të mëparshmet në këtë kompeticion, secila ka nga një fitore.
Parizienët janë me ekipin e plotë, ndërsa britanikët kanë disa mungesa për shkak të skualifikimeve, të cilat kanë pak gjasa të ndikojnë në performancë.
Në orën 21:00 luhet edhe përballja gjermane, kampionët në fuqi të Leverkusen-it me rekordmenët e Gjermanisë, ata të cilët kanë shkruar historinë.