Deputetja dhe kandidatja për deputete e PS-së në Tiranë, Blerina Gjylameti thotë se në zgjedhje garën nuk e kanë me PD, por me vetveten. Gjylameti tha gjithashtu se PS reflekton pas çdo mandati duke përmirësuar punën e vet.
“Kemi treguar që kemi transformuar rrënjësisht jo vetëm Shqipërinë, por çdo institucion. Ne nuk e kemi garën me PD, e kemi me vetveten. Mandat pas mandati PS ka një moment reflektimi për të bërë më të mirën nga ajo që ka bërë.
Sot pas 3 mandateve edhe me dy fatkeqësitë natyrore që prekën vendin tonë, Covidin dhe tërmetin, sot ne jemi me një borxh publik që është rreth 55-56%. Ne nuk marrim para sikundër merrej në kohën e PD.
Asnjëherë nuk kemi marrë borxh për të shtuar borxhin dhe pa bërë investime. Nëse flasim duhet të flasim për ata që na kanë votuar”, tha ndër të tjera deputetja Blerina Gjylameti.