Kryeministri Edi Rama, njëkohësisht kryetari i PS-së, shpalos sot programin për Shqipërinë 2030 me të cilën do të kërkojë votën e shqiptarëve në zgjedhje.
Integrimi në BE brenda 2030 për ti dhënë shqiptarëve pasaportën e BE mbetet prioritet i PS-së në këtë fushatë elektorale.
“Çdo vit ngritëm lart e më lart emrin e Shqipërisë. Kemi mundësi reale për të hyrë tani në BE. Jo vetëm duam ne, por dhe BE duan të na marrim. Po negociojmë me vrull për të mbyllur në një hark kohor të shpejtë. Kemi shansin historik t’i mbyllim negociatat në 2027 dhe s’duhet të humbim asnjë minut kohë prandaj duhet të çojmë një mesazh historik më 11 maj”,-tha Rama.