Videoja virale e luanit që kafshoi një burrë, rreth të 50-ve, në kokë, ka ndodhur në Fier. Sipas autoriteteve ngjarja ka ndodhur në fshatin Zharrëz. 52-vjeçari Altin Hajdini e mbante në shtëpinë e tij kafshën e egër.
Hajdini është pyetur në policinë e Fierit ku ka deklaruar se luanin në rrugë pranë Lushnjës dhe e ka mbajtur kafshën banesë. E çuditshme është deklarata e tij se tashmë kafsha ka ngordhur.
Hajdini ka deklaruar se kur e gjeti luanin ishte i vogël dhe mori në banesë dhe e trajtoi se kafshë shtëpiake. Në video dallohet qartë se ka kohë që e mban në banesë pasi luani është i rritur.
Në një moment kafshon në qafë një prej miqve të tij, ndërsa pronari ndërhyn duke ia futur në shpullë. Për të video është xhiruar shumë kohë më parë sepse ka deklaruar se luani ka ngordhur para një muaji e gjysmë dhe e ka hedhur në lumë.
Asnjë prej banorëve që mund të kenë qenë edhe të rrezikuar një luan që mbahej si kafshë shtëpiake, nuk pranoi që të flasë me argumentin se nuk kishim informacion. Banesa ku mbahej luani ishte i Hajdinit, dhe ai ka qenë dy herë në burg.