Pas akuzave të Belind Këlliçit se në operacionin e SPAK në Elbasan, Policia e Shtetit nuk ka zbatuar disa urdhra, Euronews Albania ka pyetur tek ky insitucion lidhur me këto pretendime.
SPAK i hodhi poshtë këto pretendime dhe u shpreh se ka pasur bashkëpunimin dhe mbështetjen e plotë të Policisë së Shtetit, si dhe të Drejtorisë së Policisë Vendore të Elbasanit.Kërkesa për Informacion e Euronews Albania drejtuar SPAK dhe BKH.
Përgjigja e SPAK-ut:
Sot, më datë 10 Prill 2025, Struktura e Posaçme kundër Korrupsionit dhe Krimit të Organizuar (SPAK) ka kryer disa veprime hetimore në qytetin e Elbasanit, për të cilat ka pasur bashkëpunimin dhe mbështetjen e plotë të Policisë së Shtetit dhe të Drejtorisë së Policisë Vendore të Elbasanit.