Bayern Munich duhet të bëjë pa Manuel Neuer edhe në sfidën e kthimit në çerekfinalen e Ligës së Kampioneve ndaj Interit.
Gjermanët shpresonin ta rikuperonin portierin veteran për ndeshjen e dytë, por kjo nuk ka ndodhur. 39-vjeçari ende nuk është rikthyer në stërvitje pas problemeve fizike dhe do të jetë jashtë për ndeshjen ndaj Interit në “San Siro”.
Neuer do të mungojë edhe në fundjavë për ndeshjen e kampionatit ndaj Heidenheim, ndërsa gjasat janë që të rikthehet për sfidën ndaj Mainz më 26 Prill. Jonas Urbig pritet të mbrojë portën e Bayern Munich ndaj Interit në Milano. Gjermanët vijnë në këtë përballje pas humbjes 2-1 në shtëpi dhe do të kërkojnë me çdo kusht përmbysjen.
Ndeshja Inter-Bayern Munich është planifikuar të zhvillohet të Mërkurën e 16 Prillit, duke nisur nga ora 21:00.