Festa e Partizanit pas titullit kampion të fituar, ka zgjatur shumë por pikën kulminante e kishte në sheshin “Nënë Tereza”, aty ku u mbajt edhe një koncert i madh festiv. Të ftuar në këtë koncert, ishin këngëtarë të ndryshëm të cilët së bashku me protagonistët që rikthyen titullin kampion pas 26 vitesh, “e ndezën” kryeqytetin.
Një nga protagonistët absolut dhe që ka merita në suksesin e Partizanit, padyshim që është edhe Drejtori i Përgjithshëm, Olsi Rama i cili ndërtoi një skuadër cilësore e cila e fitoi titullin me diferencë të madhe nga Kukësi i vendit të dytë.
Në festën në shesh, Rama nuk ‘shpëtoi’ lehtë duke qenë se iu desh një “dush” me shampanjë nga të pranishmit në sheshin ‘Nënë Tereza’. Festa e të kuqve ka zgjatur deri orët e vona të mbrëmjes ku pas festës në shesh, është spostuar në lokalet e ndryshme të kryeqytetit.