Kandidatët e PD-së, Belind Këlliçi dhe Jorida Tabaku kanë zhvilluar takime me qytetarët e Tiranës. Këlliçi duke ndarë momente nga takimi me qytetarët, thekson se kryefjala është programi i PD-së. Ai shton se PD ka gati masa për të ndaluar shpopullimin e vendit.
”Takime të përzemërta me banorë dhe qytetarë të Tiranës. Programi ekonomik është kryefjala e kësaj fushate të PD me fokus tek minimumi jetik 200 euro, paga minimale 500 euro dhe paga mesatare 1200 euro.
Masa të tilla janë emergjente për ndalimin e shpopullimit të Shqipërisë, gjë që konkretizohet me votën e qytetarëve dhe fitoren e shumëpritur të PD me 11 Maj”,-shkruan Këlliçi.