Kryebashkiaku socialist i Matit dhe njëherësh kandidat për deputet, Agron Malaj i është përgjigjur akuzave të Xhelal Mziut, për dy makinat që u bllokuan mbrëmjen e djeshme në Maqellarë nga militantët e PD. Mziu është drejtues politik i PD në Dibër.
Agron Malaj ka ndarë një video direkte nga shtabi i tij dhe thotë se ndodhet në Burrel (në të njëjtën kohë kur rreth mesnatës në Maqellarë ishin ndaluar dy makinat me para e tollona karburanti) dhe e quan Xhelal Mziun një pallaço.
“Marr shkas nga deklarata e Xhelal palaços, që thotë makina e Agron Malaj, Agron Malaj është në shtabin elektoral në qytetin e Burrelit dhe nuk ka lidhje fare me makinën e Xhelal palaços dhe Shkëlzen palaços, që e nxjerr aty për të përgoju emrin tim.
Makina aty është. Makina verifikohet. Por këta janë palaço cirku, që Xhelali po përgatit humbjen më të thellë dhe i k angel në gojë Agron Malaj. Ja ku e kemi dhe xheloziun (kthen telefonin nga TV ku është shfaqur Xhelal Mziu) që shpik kur makina është në Maqellarë që s’kemi lidhje dhe ne jemi këtu në Burrel”, shprehet Agron Malaj.
Deputeti demokrat dhe njëherësh drejtuesi politik i Dibrës për Partinë Demokratike, Xhelal Mziu ka qenë vetë mbrëmjen e djeshme i pranishëm në Maqellarë dhe publikuar pamjet e dy mjeteve të ndaluara, si dhe personat që ndodhen brenda tyre.
Ai thotë se njëri është shtetasi Fiqiri (Cil) Pali, pronari defacto i kompanisë “SIRETA 2F”, e cila ka fituar miliarda lekë me tendera publikë nga bashkitë e ndryshme të vendit, por kryesisht në veri.