Në 52-vjetorin e Revoltës së Spaçit, Prezenca e OSBE-së në Shqipëri, organizoi një vizitë informuese për një grup studentësh në ish-burgun famëkeq të regjimit komunist.
Vizita synonte të thellonte njohuritë e të rinjve mbi të kaluarën komuniste të Shqipërisë dhe t’i nxiste ata të reflektonin mbi rëndësinë e qëndresës ndaj totalitarizmit, vlerësimit të lirive dhe mbrojtjes së të drejtave të njeriut.
Ata vizituan rrënojat e qelive, dhomat e izolimit dhe vendet e punës së detyruar, ku u njohën me kushtet çnjerëzore që përballonin të dënuarit.
Vizita kontribuoi në rritjen e ndërgjegjësimit për rëndësinë e kujtesës, nderimin e vuajtjeve të viktimave të krimeve komuniste, njohjen e ish-të burgosurve si simbol të rezistencës kombëtare dhe promovimin e drejtësisë tranzitore si një formë për t’u përballur dhe për të adresuar të kaluarën në Shqipëri.
