Imzot Gjergj Meta takon Papa Leo XIV, e fton që të vizitojë Shqipërinë

Ipeshkvi i Dioqezës së Rrëshenit, Imzot Gjergj Meta përshëndeti Papa Leonin XIV, në Udiencën e Përgjithshme të së mërkurës. Imzot Gjergji i tregoi atij se të dielën e kaluar, së bashku me shqiptarët katolikë të Italisë, janë lutur për të në Shenjtëroren e Zojës së Këshillit të Mirë, në Genazzano. Nga ana tjetër, në emër të ipeshkvijve dhe të Kishës Katolike në Shqipëri, e uroi Atin e Shenjtë për zgjedhjen e tij si Pasardhës i Pjetrit dhe e ftoi atë që të vijë në vendin tonë.