Është inauguruar rikonstruksioni i plotë i bibliotekës publike “Pjetër Budi”, e cila do të vijojë të jetë në shërbim të dashamirësve të librit në rrethin e Matit.
Në ceremoninë inauguruese morën pjesë kryetari në detyrë i Bashkisë Mat, Myslim Zeneli, deputeti Agron Malaj, drejtuesja e organizatës “Vizion OJF” e cila ka financuar projektin, Suela Koçibellinj, Nënprefekti i Matit, Hasan Pasha, mësues e intelektual matjanë, shkrimtarë e poetë si dhe dashamirës të librit.
Të pranishmit vizituan fillimisht mjediset e brendshme të rikonstruktuara të bibliotekës, e më pas ndoqën një historik të transformimit të këtij institucioni. Kryetari Bashkisë, Myslim Zeneli tha se tashmë të gjithë ata që do ta frekuentojnë këtë bibliotekë kanë kushte më të mira falë edhe financimit të “Vizion OJF”.