Agroturizmi po konsiderohet çdo ditë e më shumë si një drejtim i rëndësishëm për zhvillimin e ekonomisë në zonat rurale të vendit. ”Villa si Era” e ngritur në një prej zonave më të bukura të jugut të vendit në Brataj të Vlorës.
Kryeministri Edi Rama ka postuar një video për objektin, e ndërtuar me një arkitekturë të veçantë, e cila tani është një destinacion unik që ngjitet në hartën e turizmit ekskluziv shqiptar. Zhvillimi i agroturizmit ka nisur të tërheqë gjithnjë e më shumë turistë të huaj, duke ndikuar në rritjen e kontributit të këtij sektori në industrinë e turizmit në Shqipëri.
Vitet e fundit, qeveria ka ndërmarrë disa skema mbështetëse për t’i dhënë hov zhvillimit të agroturizmit, një degë e paeksploruar e industrisë së turizmit. “Paketa e Maleve”, është njëra prej këtyre nismave që synon të nxisë investimet në zonat rurale malore.