Në prag të ndeshjes Shqipëri-Serbi, futbollistët kuqezi janë grumbulluar në Tiranë për sfidën e 7 qershorit.Seanca e parë stërvitore u mbajt me dyer të mbyllura, teksa pati vetëm pak minuta hapësirë për mediat në pjesën e nxehjes së lojtarëve.
Ndeshja kundër ekipit serb do jetë e treta për kuq e zinjtë pas përballjeve me Anglinë dhe Andorrën. Në dy ndeshjet e para Kombëtarja ka grumbulluar 3 pikë pasi humbi me rezultatin 2-0 në ndeshjen e parë në “Wembley” kundër Anglisë së Tuchel, por siguroi një fitore të rëndësishme ndaj Andorrës në shtëpi.
Sfida ndaj Serbisë është ndeshja më e rëndësishme ndaj kundërshtarit direkt të Shqipërisë për vendin e dytë në grupin kualifikues për Botërorin 2026. Teksa kërkesa për bileta ka arritur mbi 200.000, Federata ka aplikuar një proces të shortit elektronik për përzgjedhjen e atyre që kanë fituar të drejtën për të blerë bileta.
Kjo ka sjellë edhe reagimin e grupimit “Tifozët Kuq e Zi”, të cilët janë shprehur se “për herë të parë që nga themelimi, 21 vite më parë nuk do të jenë në stadium për të përkrahur Kombëtaren.