Italia ka vendosur të shkarkojë trajnerin Luciano Spalletti, pas humbjes 3-0 ndaj Norvegjisë, në ndeshjen e parë kualifikuese te Botërorit.
Drejtuesit e Federatës, tashmë kanë nisur nga puna për të zgjedhur “timonerin” e ri, ndonëse nuk duket një mision i lehtë.
Sipas asaj që raportohet nga mediat italiane, në listë janë dy emra për drejtimin e kombëtares.
Bëhet fjalë për Stefano Piolin dhe Claudio Ranierin. Ky i fundit është në krye të listës dhe pëlqehet shumë nga drejtuesit, për shkak të asaj që ka treguar në karrierën e tij.
Megjithatë, emërimi i tij nuk do të jetë i lehtë, pasi ka njoftuar tërheqjen nga trajnimi.
Sa i përket Piolit, një marrëveshje me ish-trajnerin e Milanit do të ishte më e lehtë, për shkak se pritet të largohet nga drejtimi i Al Nassr dhe do të dalë i lirë.