Bashkimi Evropian ka aktivizuar flotën e tij të specializuar për menaxhimin e emergjencave, për të ndihmuar në shuarjen e zjarreve që kanë përfshirë qarqet e Vlorës dhe Dibrës në Shqipëri.
Sipas një njoftimi zyrtar nga Mbrojtja Civile dhe Ndihma Humanitare e BE-së, në kuadër të këtij operacioni, tre aeroplanë zjarrfikës nga Greqia 🇬🇷 dhe Italia 🇮🇹 janë angazhuar në terren dhe po operojnë intensivisht në zonat e prekura.
“Ne jemi të gatshëm të ofrojmë më shumë mbështetje nëse është e nevojshme,” theksohet në deklaratën e BE-së.