Vështirësitë e Rodrit vazhdojnë. Duke pësuar një këputje të ligamentit të kryqëzuar shtatorin e kaluar, fituesi i “Topit të Artë” u rikthye për të luajtur në Kupën e Botës për Klube me Manchester Cityn.
Manchester Evening News raportoi në orët e fundit se Rodri ishte stërvitur kryesisht larg skuadrës, që nga rinisja javën e kaluar.
Kurse trajneri i tij Pep Guardiola nuk duket se po mbështetet tek ai për fillimin e sezonit.
“Ai është më mirë, por pati një dëmtim të rëndë në ndeshjen e fundit kundër Al-Hilal,
Po ashtu është stërvitur më mirë ditët e fundit. Shpresoj se do të jetë vërtet gati pas pushimit ndërkombëtar (në shtator).
Ai mund të jetë në gjendje të marrë disa minuta në ndeshjet e para, por gjëja më e rëndësishme është që ai të mos ketë dhimbje. Sepse ne nuk duam që Rodri të dëmtohet përsëri.” -shpjegoi katalanasi.