Policia e Vlorës ka vënë në pranga një 36-vjeçar të shpallur në kërkim ndërkombëtar për pjesëmarrje në organizata kriminale për trafikimin e drogës. Robert Kosëmi nga Fieri u vu në pranga në një lokal në lagjen “Pavarësia” të Vlorës.
“Si rezultat, në një lokal të lagjes “Pavarësia” Vlorë, u arrit kapja dhe arrestimi i shtetasit R. K., 36 vjeç, banues në Fier. Gjykata e Breshias/Itali në vitin 2018, ka lëshuar urdhër arresti ndërkombëtar ndaj shtetasit R. K., për veprën penale “Pjesëmarrje në organizatë kriminale me qëllim trafikimin e lëndëve narkotike, kryer në bashkëpunim” sipas Kodit Italian, ku maksimumi i dënimit është deri në 20 vite burgim”, thotë policia e Vlorës.
Materialet i janë referuar Prokurorisë pranë Gjykatës së Shkallës së Parë Vlorë për veprime të mëtejshme.