Kryeministri Edi Rama ndodhet në Riad, ku do të marrë pjesë në edicionin e 9-të të Future Investment Initiative (FII), platformës Globale që përcakton agjendën e Investimeve në botë, që mbahet në kryeqytetin e Arabisë Saudite.
Rama u prit në Pallatin Mbretëror nga Princi i Kurorës dhe Kryeministri Mohammed bin Salman Al Saud. Gjatë takimit, kryeministri bëri të ditur se u diskutua për ecurinë e bashkëpunimit mes dy vendeve dhe vizitën e Al Saud në Shqipëri vitin e ardhshëm.
Më herët kur mbërriti në Riad, Kryeministri Rama dhe delegacioni që e shoqëronte u prit nga princi Mohammed bin Abdulrahman bin Abdulaziz, zëvendësguvernatori i Riadit.
Në 17 maj 2025, Shqipëria mirëpriti Forumin Ndërkombëtar “Future Investment Initiative” (FII), i cili për herë të parë u organizua në Europë.